جاري تحميل العنوان...

ايه الاخبار يا جماعة انا كريم ناصر ومن سنتين بالظبت كانت اول تجربة ليا مع الذهب وان اشتري ذهب بشكل فعلي كـ سبائك تحديدا 2024 شهر 4 كان ساعتها الذهب عامل 3630 جنية رقم عمري ما نسيتة وفي الحقيقة انا كان نفسي اشتري ذهب من سنة 2020 وسنة 2021 وكان سعتها سعر الجرام عيار 24 اقل بكثير كان اقل من 1000 جنية واكثر ومع علمي ان الذهب هيزيد ولكن معرفتش اشتري بسبب ان التجار كانت بتضحك عليا وهنا ننتقل للمرحلة الاولي.

كلمت حد معرفة ورشح لي مكان المفروض ان هو حلو وثقة وبالفعل روحت عشان اشتري الذهب الراجل بداء معايا بحاجة خلتني اشك زي ما انتم عرفين انا عايز سبيكة عشان يبقا مفيش مصنعية كبيرة ودة شئ جميل ومفهوم لكن التاجر اول حاجة قام بترشيحها ليا كانت المشغولات قالي بالنص اشتري كم غويشة اي حد من عندك من الجماعية في البيت يلبسهم وبيزيد مع الوقت ولكن الحقيقية ان مكنش في حد هيلبس غيري لان المشغولات بتخسر وانت بتشتري في المصنعية وبتخسر وانت بتبيع في المصنعية ولذلك قررت اشغل دماغي شوية وهنا ننتقل للنقطة اللي بعدها مدلعك انا اهو نقطة نقطة والله غرض انشر تجربة حقيقية  عشان الكل يستفيد.

اول ما التاجر لقيتة بيتلاعب بيا بدأت اخد حذري وزي ما اتعلمت من نصائح الاخرين قولت له لا انا حابب اخد ذهب يبقا المصنعية قليلة عشان مخسرش قالي يا سلام بس كدة انا كدة فهمتك دة انت يا كريم طلعت مش سهل قال انا عندي ليك صفقة حلوة اوي  ولقطة قولت له ايه قالي اشتري ذهب كسر  قولت له يعني ايه قالي دي مشغولات بس قديمة شوية بنبيعها كسر والمصنعية لا تذكر طبعا هنا بدأت اقع في الفخ لانعدام خبرتي وبدأت اوافق لان المصنعية كانت مغرية ولم اكن اعلم ان انا ممكن اطورت في الذهب دة وفي بيعة وهبيعة بخسارة بعد كدة وان هو ولا هو استثمار ولا حاجة ولكن لحسن حظي وستر ربنا معايا جالي الهام قبل ما اشتري ان اسأل عند محل ثاني زيادة تأكيد وبالفعل روحت أسأل لقيت كلام مختلف واسعار مختلفة تماما وهنا قررت ولاول مرة في حياتي استعين بمساعد خارجي ودة نقطتنا الي بعد كدة.

بعد ما خرجت من عند التاجر الثاني قررت اعمل سيرش بسيط واشوف سعر الذهب علي النت كام لقيت مفاجأة المحل الاول بسعر والمحل الثاني بسعر والارقام علي النت بسعر ثالث خالص وطبعا الفرق بين المحلات والنت فرق السماء والارض بسبب المصنعية اللي هو انت خسران 10% مستريح من فلوسك بعد الشراء تمام وليه هتخسر ثاني وقت البيع فا قررت ان مش هشتري ذهب وساعتها ضاعت مني فرصة شراء ذهب لما كان تحت الـ 1000 جنية للجرام.

الخلاصة نرجع لاول الموضوع بعد الحكاية اللي انا حكيتها دي رجعت اشتريت ذهب ثاني سنة 2024 وكانت اول مرة اشتري بشكل فعلي السبب ان لقيت ان سعر الذهب علي النت والعالمي نفس السعر المحلي فا كانت فرصة شراء حلوة ولكن انا احتاجت سنتين عشان اعرف اعمل الموضوع دة ودي حاجة مش منطقية عشان كدة انا قررت اعمل اداة علي موقعي هنا مجانية تماما يقدر اي حد ستخدمها عشان يعرف اولا سعر الذهب العالمي والفرق بينة وبين السعر المحلي وفي اداة كمان لحساب سعر المصنعية عشان لو رايح تشتري تكتب السعر اللي التاجر قالك عليه وتكتب هتشتري كم جرام ودوس حساب هيطلع لك التاجر حاطت لك كم علي كل جرام مصنعية ومش بس كدة الاداة هتقولك مقارنة بالسوق المصنعية دي حلوة ولا مرتفعة والله الموضوع دة لو كان موجود علي ايامي كان سهل عليا كثير وطبعا انا عملت دة بشكل مجاني وسهل وتقدر تجرب الاداة من هنا : سعر الذهب اليوم بالمصنعية نكشف السعر الحقيقي لحظة بلحظة.